پنجاب بھر میں قائم سات ہزار سکولوں میں انصاف آفٹر نون سکول کا منصوبہ جاری رکھنے کا فیصلہ

سابق حکومت نے پنجاب میں جاری آفٹرنون سکول بند کردئے تھے ، اپریل کے بعد اس کے فنڈ جاری نہیں کئے گئے ۔

گزشتہ ہفتے بھی اعلان کیا گیا تھا کہ اس پراجیکٹ میں نئے داخلے نہ کئے جائیں،  اگر کسی سربراہ نے داخلہ کیا تو اس کے ذمے داری اس پر ہوگی ۔

تاہم حکومت نے اس کا نوٹس لے لیا ، اور اس کےلئے ایک ارب روپے سے زائد کے فنڈز مختص کردیئے گئے، اور انصاف سکولوں میں نئے داخلوں کا ہدف دے دیا گیا ہے ۔

گزشتہ روز جاری مراسلے کے مطابق سکولوں میں فوری طور پر نئے داخلے شروع کیے جائیں گے۔

رواں تعلیمی سال میں بھی انصاف آفٹر نون سکول قائم رہیں گے۔

گذشتہ تعلیمی سال آفٹر نون سکول ں میں ایک لاکھ بچے داخل کرنے کا دعوی کیا گیا تھا۔

ان طلباء کو بھی پڑھائی جاری رکھنے کی ہدایت کی گئی ہے ۔