پنجاب حکومت نے طالبات کے بعد طلباء کو بھی ہزار روپے ماہانہ وظیفہ دینے کافیصلہ

سابق حکومت نے طالبات کو ایک ہزار روپے ماہانہ وظیفہ دینے کا پروگرام شروع کیا تھا، اور پنجاب بھر میں 6 لاکھ طالبات کو ماہانہ وظیفے کے لیے منتخب کیا گیا تھا ۔

جس پر محکمہ سکولز نے طلباء کےلئے بھی یہ سہولت دینے کی تجویز حکومت کو ارسال کی تھی ، جس کو قبول کرلیاگیا ہے اور طالبات کے بعد طلبا کو بھی 1000 روپے کا ماہانہ وظیفہ دینے کا فیصلہ کیا گیا ہے ۔

پنجاب بھر سے 6 اور 8 کلاس کے طلبا کو یہ ماہانہ وظیفہ دیا جائے گا ۔

حکام کے مطابق آئندہ مالی سال کے بجٹ میں ساڑھے 6 ارب روپے کا بجٹ بھی مختص کیا جائے گا ۔

پنجاب حکومت یہ ماہانہ وظیفہ صرف ہونہار طلبا و طالبات کو دے گی۔