پنجاب حکومت نے خواجہ سراء اساتذہ کی خدمات حاصل کرنے کا فیصلہ کرلیا
لٹریسی اینڈ نان فارمل بیسک ایجوکیشن ڈپارٹمنٹ نے پنجاب بھر میں اپنے نئے شروع کیے گئے بالغوں کی تعلیم کے مراکز کے لیے میٹرک کی تعلیم یافتہ خواجہ سراؤں کو بطور اساتذہ بھرتی کرنے کا فیصلہ کیا ہے۔
"پڑھو، لکھو، ترقی کرو” کے بینر کے تحت اس پروگرام کا مقصد صوبہ بھر میں خواندگی کے مواقع فراہم کرنا ہے، جس میں 180 مراکز قائم کیے جا رہے ہیں۔
ذرائع کا کہنا ہے کہ اس پروگرام میں خواتین کو بھی شامل کیا جائے گا، جن کوماہانہ ساڑھے 12 ہزار روپے مشاہرہ دیا جائے گا، تدریسی عہدوں کے لیےدرخواستیں 30 نومبر تک دی جاسکیں گی، 18 سے 55 سال کے امیدوار درخواست دے سکیں گے۔
ایک مراکز میں 25 سے 30 طلباء کا اندراج کریں گے، بنیادی خواندگی جیسے پڑھنے اور لکھنے پر توجہ مرکوز کریں گے، تین ماہ کے سیشن کے بعد، شرکاء کو سرٹیفکیٹ دیا جائے گا جبکہ پنجاب کی جیلوں میں بھی ایسے ہی پروگرام شروع کرنے کی کوشش کی جارہی ہے۔
اس اقدام کو سراہا جارہا ہے، خاص طور پر ٹرانس جینڈر کمیونٹی کے لیے روزگار اور تعلیم کو فروغ دے کر، یہ پروگرام پورے صوبے میں نمایاں جگہ بناسکتا ہے۔ ۔
