پنجاب پروفیسر اینڈ لیکچرر ایسوسی ایشن کی کال پر کالجز میں احتجاج شروع کردیا گیا

پی پی ایل اے کی صدر میڈم فائزہ رعنا کی کال پر پنجاب بھر میں دو دن کے احتجاجی پروگرام کا شیڈول دیا گیا تھا، گزشتہ روز اساتذہ نے کالجز گیٹ پر آکر سڑک کنارے احتجاج کیا، اپنے مطالبات کے حق میں نعرے لگائے۔

تاہم ڈویژنل کی سطح پر احتجاج کے پروگرام پر عمل نہ ہوسکا، جس میں پریس کلب باہر ایک گھنٹہ کا احتجاجی کیمپ لگایا جانا تھا اور پریس کانفرنس کرکے محکمہ ہائر ایجوکیشن کی پالیسیوں سے عوام کو آگاہ کرنا تھا۔

ذرائع کا کہنا ہے کہ اعلیٰ قیادت کی ہدایت پر آخری وقت میں پروگرام تبدیل کردیا گیا ہے، احتجاج کا نیا شیڈول جلد ہی جاری کیا جائے گا۔