آؤٹ سورس سکولوں میں کوالٹی ایشورنس ٹیسٹ کے لیے شیڈول جاری

سکول ایجوکیشن ڈیپارٹمنٹ نے آؤٹ سورس سکولوں میں کوالٹی اشورنس ٹیسٹ کے لیے شیڈول جاری کر دیا ہے۔

اعلامیہ کے مطابق یہ ٹیسٹ 29 مارچ تک مرحلہ وار لیا جائے گا، ٹیسٹ میں خراب نتائج دینے والے سکولوں کا لائسنس منسوخ کر دیا جائے گا۔

پیف (پنجاب ایجوکیشن فاؤنڈیشن) اور پیماء (پنجاب انیشی ایٹو برائے مینجمنٹ آف ایجوکیشن) سکولوں کو بھی کیو اے ٹی میں شامل کیا جائے گا۔

ٹیسٹ کے لیے سپرنٹینڈنٹ گورنمنٹ سکول کے اساتذہ کو تعینات کیا جائے گا۔

حکام کا کہنا ہے کہ ٹیسٹ کے نتائج نئے تعلیمی سال شروع ہونے سے قبل جاری کر دیے جائیں گے.