ریلویز پولیس میں 250 کانسٹیبلان کی خالی آسامیوں پر بھرتی ملتوی

ریلوے ترجمان کے مطابق ریلویز پولیس میں 250 کانسٹیبلان کی خالی آسامیوں پر مورخہ 2 فروری 2025 اور 4 فروری 2025 کو ہونے والے تحریری امتحان اور انٹرویوز کو ملتوی کیا جاتا ہے۔ جس کیلئے علیحدہ سے نئی تاریخ، جگہ اور وقت کا اعلان بعد میں کیا جائے گا۔

قائمہ کمیٹی کے احکامات کی روشنی میں 250 کانسٹیبلان کے علاوہ مزید 230 کانسٹیبلان و دیگر آسامیوں پر بھرتی کیلئے دوبارہ اشتہار جاری کیا جائے گا اور اس کی تشہیر قومی و صوبائی اخبارات میں کی جائے گی۔

جسمانی معیار اور دوڑ کے ٹیسٹ کے بعد تحریری امتحان اور انٹرویوز منعقد کئے جائیں گے، پہلے سے جسمانی امتحان کوالیفائیڈ اُمیدواران کو دوبارہ نئی درخواست جمع کروانے کی ضرورت نہیں ہوگی۔ وہ صرف تحریری امتحان اور انٹرویوز مقررہ تاریخ و جگہ پر دیں گے۔ جس کیلئے انہیں نئے سرے سے رولنمبر سلپس جاری کی جائیں گی۔