سکول اساتذہ کے لئے بھی رہائشی منصوبہ شروع کرنے کا فیصلہ

محکمہ سکولز نے اساتذہ کیلئے رہائشی منصوبہ کا اعلان کیا ہے جس میں صوبہ بھر کے ایک ہزار اساتذہ کو قرعہ اندازی کے ذریعے فلیٹ دیئے جائیں گے۔

اساتذہ کو فلیٹ آسان اقساط پر فراہم کیے جائیں گے، پنجاب بھر میں سرکاری سکولوں میں پڑھانے والے اساتذہ کی تعداد تین لاکھ ہے، منصوبہ کی کامیابی پر مزید اساتذہ کے لئے رہائشی سکیم متعارف کروائی جائیں گی۔

اعلیٰ حکام کا کہنا ہے کہ اس پراجیکٹ پر کام شروع کردیا گیا ہے آئندہ ماہ اس کو حتمی شکل دے دی جائے گی ۔