Breaking Newsتازہ ترینجرائم کی دنیا
گورنمنٹ گرلز ڈگری کالج نواب پور میں چوروں نےصفایا کردیا، پولیس نے فنگر پرنٹس لیکر تفتیش شروع کردی
گورنمنٹ گرلز ڈگری کالج نواب پور میں پھر چوری کی واردات ہوگئی ، چوروں نے لاکھوں روپے کی برقی تنصیبات چوری کرلیں اور اس کےعلاوہ 9 کمپیوٹر بھی چوری کرلئے گئے، جن کی مالیت کا اندازہ لگانے کے لئے ایچ ای ڈی حکام نے کام شروع کردیا ہے ۔
چوری کی اطلاع پر ڈائریکٹر کالجز اور ڈی پی آئی کالجز جنوبی پنجاب پروفیسرڈاکٹر فرید شریف موقع پر پہنچ گئے ، اور پولیس کو طلب کیاگیا واقعہ کی تفصیل بتائی گئی۔
بعد ازں ڈائریکٹر کالجز نے فرانزک پولیس کو بلالیا جس نے فنگر پرنٹس لیکر تحقیقات شروع کردیں ۔
ذرائع کا کہنا ہے کہ نواب پور کالج میں چوری کی دوسری واردات ہے پولیس کی سست روی کی وجہ سے یہ دوسرا واقعہ ہے یہ کالج آبادی سے دور ہے جس کے لئے بڑی سیکورٹی کی ضرورت ہے ۔