یوم علی پر جلوس اور مجالس کا سیکورٹی پلان جاری کردیا گیا

ریجنل پولیس آفیسر ملتان جاوید اکبر ریاض کی طرف سے ملتان ریجن میں یوم شہادت حضرت علیؓ کے حوالےسے جلوسوں اور مجالس کا سیکورٹی پلان جاری کر دیا گیا۔

ریجن بھر میں 14 جلوس نکلیں گے اور 83 مجالس منعقد ہوں گی۔ جلوسوں کی حفاظت کیلئے 1935 پولیس افسران و اہلکاران تعینات کئے گئے ہیں، جبکہ مجالس کی حفاظت 684 پولیس افسران و اہلکاران کریں گے ۔

ریجنل پولیس آفیسر نے ضلعی پولیس سربراہان کو ہدایت کی ہے کہ ریجن بھر میں جلوسوں اور مجالس کی حفاظت کیلئے فول پروف انتظامات کئے جائیں، تمام پولیس افسران و اہلکاران کو پابند کریں کہ وہ اپنی ڈیوٹی کو عبادت سمجھ کر انجام دیں۔

انہوں نے کہا کہ فرائض کی انجام دہی میں غفلت یا کوتاہی ہر گز نہ برتی جائے۔