ابتدائی تعلیم کے کلاس رومز بنانے کا فیصلہ

پنجاب کے 1139 سکولوں میں ابتدائی تعلیم کے کلاس رومز بنائے جائیں گے، کلاس رومز بنانے میں 25 کروڑ روپے لاگت آئے گی۔

بتایا گیا ہے کہ صوبے بھر میں ارلی چائلڈ ایجوکیشن کے لئے بجٹ جاری کردیا گیا، جس میں کتابیں، فرنیچر اور لرننگ کٹس کی خریداری کیلئے فی سکول اڑھائی لاکھ دیئے جائیں گے، ای سی ای رومز بنانے کیلئے فنڈز سکول سربراہان کے اکاؤنٹ میں منتقل کیے جائیں گے۔
سکول سربراہان مقررہ ڈیڈ لائن تک ای سی ای کلاس رومز بنانے کے پابند ہوں گے۔

اس سے قبل پنجاب بھرمیں ارلی چائلڈ ایجوکیشن کیلئے 5 ہزار کلاس رومز بنائے گئے تھے، اساتذہ کا کہنا ہے کہ 80 فیصد سکولوں میں 3 سال قبل فراہم کی جانیوالی ای سی ای کٹس خراب ہوچکیں، سکول سربراہان نے نئی ای سی ای کٹس فراہم کرنے کا مطالبہ کیا ہے۔