محکمہ سکولز نے نے اے ای اوز کی ذمے داریوں میں اضافہ کردیا

محکمہ سکولز نے اے ای اوز کی ذمے داروں میں اضافہ کردیا ہے۔
اس سلسلے میں جاری مراسلے میں کہا گیاہے کہ پنجاب میں ڈسٹرکٹ ایجوکیشن اتھارٹیز میں 3260 منظور شدہ آسامیوں کے خلاف کل 3258 اسسٹنٹ ایجوکیشن آفیسرز کام کر رہے ہیں۔
تاہم ان کے کام کا بوجھ مساوی طور پر تقسیم نہیں کیا جاتا ہے کیونکہ 189 اے ای اوز کے پاس6 اسکول ہیں، 958 اے ای اوز کے پاس 7-9 اسکول ہیں، 1965 اے ای اوز کے پاس 10-14 اسکول ہیں اور 146 اے ای اوز کے پاس انسپکشن اور مانیٹرنگ کے لیے اپنے متعلقہ مرکز میں 15 یا اس سے زیادہ اسکول ہیں جس پر ذمے داریوں میں اضافہ کیا جارہا ہے۔
متعلقہ اضلاع میں کام کرنے والے اسسٹنٹ ایجوکیشن آفیسرز کے درمیان موثر معائنہ، نگرانی اور رپورٹنگ کے لیے اسکولوں کی تعداد کی دوبارہ تقسیم کی جائے گی اور سکول کی تعداد 12 سے 15 تک ہو سکتی ہے۔
اے ای اوز کو پرائمری اور ایلیمنٹری کے ساتھ ہائی اور ہائیر سیکنڈری اسکولوں کی مانیٹرنگ کا بھی پابند کیا جائے گا، تمام اسکولوں میں تدریسی عمل اور کارکردگی کے جائزے کے لیے کلاس روم آبزرویشن ٹولز کا استعمال یقینی بنایا جائے۔
ڈی ای اوز اور ڈی ڈی ای اوز اے ای اوز کے کام کی سخت نگرانی کریں گے۔یہ اقدام اسکولوں کے معیاری تعلیم کے فروغ اور مانیٹرنگ کے نظام کو بہتر بنانے کے لیے کیا گیا ہے، اے ای اوز فیلڈ ورک کی نگرانی ڈپٹی ڈسٹرکٹ ایجوکیشن آفیسرز کے ذریعے پندرہ ہفتہ کی بنیاد پر اور ڈسٹرکٹ ایجوکیشن آفیسرز ماہانہ بنیادوں پر کریں گے۔
ضلعی تعلیمی افسر اس بات کو یقینی بنائیں کہ جو سکول حال ہی میں آؤٹ سورس کیے گئے اسکولوں کا باقاعدگی سے دورہ کریں، اے ای اوز کی معائنہ الاؤنس کی منظوری تسلی بخش نگرانی اور رپورٹنگ سے مشروط ہوگی، ہدایات کی تعمیل کرنے میں ناکامی پرڈی ڈی او کے خلاف تادیبی کارروائی شروع کی جائے گی۔