سکول ایجوکیشن ڈیپارٹمنٹ نے سائیکا ایپ متعارف کرادی

پنجاب بھر کے سکولز کی معلومات کے ساتھ ساتھ اب تصاویر بھی آن لائن میسر ہوں گی، پنجاب حکومت نے صوبہ بھر کے سکولوں کا انفراسٹرکچر اور لوکیشن کا ریکارڈ آن لائن کرنے کیلئے ‘سکول امیج کولیکشن ایپ’ متعارف کروا دی ۔

موبائل ایپ میں مین گیٹ سکول، سکول رومز، لیبارٹریز، لائبریریز ،گرائونڈ اور ٹائلٹ بلاکس کی تصاویر اپ لوڈ کرنا ہوں گی۔ پ

نجاب مانیٹرنگ اینڈ امپلیمینٹیشن یونٹ نے سی ای اوز ایجوکیشن کو مراسلہ بھجوا دیا۔ تمام سکولز کی تصاویر نئی موبائل ایپلیکیشن پر اپ لوڈ کرنے کی ہدایت کردی گئی ہے، سائیکا ایپ پر روزانہ کی بنیاد پر تصاویر اپ لوڈ کی جا ئیں گی۔

ایپ پر سائنس لیب،لائبریری ودیگر انفراسٹرکچر کا ڈیٹا فراہم کیا جائے گا، ایپ کے ذریعے غیر دستیاب سہولتوں کا تعین کرنے میں مدد ملے گی۔

واضح رہے کہ ایپ پر 19 اپریل سے باقاعدہ تصاویر اپ لوڈ کرنے کا آغاز کیا جائے گا۔