محکمہ سکولز نے اساتذہ کے لیے ڈریس کوڈ متعارف کروادیا

محکمہ تعلیم پنجاب نے سرکاری سکولوں میں اساتذہ کے لیے ڈریس کوڈ متعارف کرایا ہے، جس میں مرد اور خواتین اساتذہ کے لیے مخصوص لباس کی ضروریات کی وضاحت کی گئی ہے ۔
جاری نوٹیفیکشن کے مطابق ، مرد اساتذہ کو واسکٹ کے ساتھ شلوار قمیض یا رسمی لباس جیسے پینٹ، شرٹ اور ٹائی پہنیں گے۔
اساتذہ کلین شیو یا اپنی ظاہری صورت کو برقرار رکھیں گے، خواتین اساتذہ کو اسکارف کے ساتھ شلوار قمیض اور بند جوتے پہننا پڑیں گے، تمام لباس اور جوتے صاف شفاف ہوں گے۔
پرنسپلز کو ہدایت کی گئی ہے کہ وہ اس پالیسی پر سختی سے عمل درآمد کرائیں جبکہ اساتذہ نصاب کو مکمل کرنے پر توجہ دیں کیونکہ تعلیمی سال اپنے اختتام کے قریب ہے وہ روزانہ لیکچر دیں اور کردار سازی کی سرگرمیوں پر زور دیتے ہوئے طلباء کی تعلیمی ترقی پر خصوصی توجہ دیں، حفاظت کو یقینی بنانے اور سکول کے اوقات میں بچوں کو چار دیواری میں رکھیں اور چھٹی کے بعد بھی اساتذہ کی نگرانی میں لواحقین کے حوالے کیا جائے۔
حفظان صحت کے طریقوں کو عام کیا جائے بیت الخلا استعمال کرنے کے بعد ہاتھ دھونے کی حوصلہ افزائی کی جائے، بیت الخلاء میں پانی، صابن اور تولیہ رکھا جائے۔
تمام دروازے، کھڑکیاں، اور برقی آلات بشمول لائٹس، پنکھے، ہیٹر، اور واٹر پمپس کو اسکول چھوڑنے سے پہلے بند کر دیا جائے۔