محکمہ سکولز نے انرولمنٹ کا ہدف پورا کرنے کے لئے بچوں کی زندگی داؤ پر لگا دی

محکمہ سکولز نے گرمی کی شدید لہر کی وجہ سے چھٹیوں کا اعلان تو کردیا اور اوقات کار میں بھی کمی کردی مگر شدید گرمی سے بچوں کی حالت خراب ہے۔

ذرائع کا کہنا ہے کہ ایجوکیشن حکام نے اپنے معمولی ٹارگٹ پورے کرنے کے لئے کم سِن بچوں کو شدید گرمی میں سکول آنے پر مجبور کر رہے ہیں اور گرمی کی چھٹیاں چند روز پہلے کرنے سے اس لئے انکار کر رہے ہیں کہ انہیں سکولوں میں انرولمنٹ کا ٹارگٹ پورا کرنا ہے۔

جبکہ یہ فیصلہ حکومت کے اپنے فیصلے کے خلاف ہے جس میں پہلے کہا گیا تھا کہ چھٹیاں 22 مئی سے ہو جائیں گی مگر بعد ازاں ٹارگٹ پورا کرنے کےلئے بچوں کی جان کو داؤ پر لگا دیا گیا ۔