بی ایڈ کرنے والے اساتذہ کو مستقل کرنے کا حکم

محکمہ سکولز نے بی ایڈ کرنے والے ایجوکیٹرز کو مستقل کرنے کاحکم دےدیا۔

تفصیل کے مطابق پنجاب بھر سکولوں میں پڑھانے والے ہزاروں ایجوکیٹرز کے پروفیشنل ڈگری نہ کرنے کامعاملہ، سکول ایجوکیشن ڈیپارٹمنٹ نے مقررہ ڈیڈ لائن تک بی ایڈ مکمل کرنے والے والے ایجوکیٹرز کو مستقل کرنے کا حکم دے دیا۔

مذکورہ ایجوکیٹرز کی بھرتیاں 2014 سے 2018 کے عرصہ میں کی گئی تھیں۔

سکول ایجوکیشن ڈیپارٹمنٹ نے تمام اتھارٹیز سے ایجوکیٹرز کی مستقلی کے تفصیلات مانگ لیں کہ 10 جون تک بی ایڈ مکمل کرنے والے ایجوکیٹرز کا مکمل ریکارڈ مہیا کیا جائے۔

سکول ایجوکیشن ڈیپارٹمنٹ کیمطابق مقررہ کردہ ڈیڈ لائن تک بی ایڈ نہ کرنے والے اساتذہ کو نوکریوں سے فارغ کردیا جائے گا۔