گرمی کی چھٹیوں میں 40 ہزار اساتذہ کی کمی پوری کرنے کی منصوبہ بندی

محکمہ سکولز نے اساتذہ کی کمی کو دور کرنے کےلئے روڈ میپ تیار کرلیا ہے، جس کے مطابق پہلی بار اساتذہ کی کمی کو ریشنلائزیشن کے ذریعے پورا کیاجائے گا۔

سکولوں میں اساتذہ صرف ایس ٹی آر کے مطابق رکھے جائیں گے، اضافی اساتذہ کی آسامی ختم کرکے دوسرے سکولوں کو دے دی جائیں گی، متعلقہ سکول میں سب سے سینئر ٹیچر کی آسامی کو ختم کی جائے گا، ایس ٹی آر کے مطابق 40 بچوں پر ایک ٹیچر لگایا جائے گا۔

ریشنلائزیشن کا عمل گرمی کی چھٹیوں میں مکمل کرلیا جائے گا، ریشنلائزیشن کے تحت 40 ہزار اساتذہ کے تبادلے کئے جائیں گے، ضرورت پڑنے پراب صرف سکول ٹیچرز انٹرن رکھے جائیں گے، سکول ٹیچر انٹرن کی بھرتیاں متعلقہ اضلاع میں قائم کمیٹی خود کر سکے گی۔