ویڈلاک ٹرانسفر کے لیے سیس پورٹل دوبارہ کھول دیا

پنجاب بھر کے ہزاروں سکول ٹیچرز کے لیے ویڈ لاک ٹرانسفر کے لیے سیس پورٹل دوبارہ کھول دیا گیا۔

بتایا گیا ہے کہ محکمہ تعلیم کی نئی پالیسی کے مطابق صرف ویڈ لاک ٹرانسفر کا آپشن کھولا گیا تاکہ اساتذہ اپنے تبادلوں کی درخواستیں آسانی سے جمع کرا سکیں، شوہر سرکاری ملازم نہ ہونے کی صورت میں بھی ویڈ لاک ٹرانسفر کا حق حاصل ہوگا۔ گزشتہ ڈیڑھ ماہ سے ریشنلائزیشن کے باعث ویڈ لاک ٹرانسفر پر پابندی تھی جو اب ختم ہو رہی ہے۔

محکمہ تعلیم کی طرف سے پورے سال اساتذہ کو تبادلوں کی سہولت دی گئی ہے تاکہ وہ اپنی سہولت کے مطابق تبادلے کروا سکیں۔

اساتذہ کو ہدایت کی گئی ہے کہ وہ سیس پورٹل پر جا کر اپنی ویڈ لاک ٹرانسفر کی درخواست جلد از جلد جمع کرائیں۔