میٹرک کے امتحانات میں ڈیوٹی سے غیر حاضر عملہ کے خلاف پیڈا ایکٹ کے تحت کارروائی کا فیصلہ

حکومت نے امتحانی ڈیوٹی نہ دینے والے اساتذہ کے خلاف سخت کارروائی کا فیصلہ کیا ہے اور زیرو ٹالرنس اختیار کرنے کی ہدایت کردی، جبکہ صوبائی وزیر تعلیم نے ڈیوٹی سے انکار کرنے والے عملہ کی فہرستیں فوری طلب کرلی ہیں۔

حکام کا کہنا ہے کہ سروس رولز کے تحت کوئی سرکاری ٹیچر ڈیوٹی سے انکار نہیں کر سکتا۔

واضح رہے ی کئی اساتذہ ڈیوٹیاں کرنے پر راضی نہیں ہیں، ان کا کہنا ہے کہ امتحانی ڈیوٹیوں کا معاوضہ بھی کم ہے، چھاپہ مار ٹیموں کی طرف سے تضحیک کا خوف ہر وقت رہتا ہے ۔