میتھ میں بی ایس ڈگری کرنے والے اساتذہ کو ترقیاں دینے کا اعلان

محکمہ سکول ایجوکیشن کی ایکولینس کمیٹی نے ترقیوں کا اعلان کردیا۔

جاری کردہ مراسلہ کے مطابق میتھ میں بی ایس ڈگری کو سولہ سالہ ڈگری تصور کیا جائے گا، دو سالہ کمپیوٹیشنل میتھ میں ایم سی ہولڈرز اساتذہ کو بھی ترقی ملے گی، اپلائیڈ اور پیور میتھ میں دو سالہ ایم ایس سی ڈگری ہولڈرز کو بھی ترقیاں دی جائیں گی۔

اس سے قبل میتھ مضامین والے اساتذہ کو محکمانہ ترقیوں کی فہرست میں شامل نہیں کیا جاتا تھا، مذکورہ اساتذہ عرصہ دس سال سے ترقیوں کے منتظر تھے۔