ٹھیکے پر دیے گئے سکولوں کو سبسڈی دینے کا اعلان

پنجاب سکولز ریفارم پروگرام کے دوسرے فیز کے سکولوں کےلئے سبسڈی کا اعلان کردیا گیا۔

بتایا گیا ہے کہ دوسرے فیز میں ٹھیکے پر دیئے گئے سکولوں کیلئے 71 کروڑ 83 لاکھ سبسڈی کا اعلان کر دیا گیا، سبسڈی کی مد میں فی سکول ڈیڑھ لاکھ روپے مالکان کے اکاؤنٹ میں منتقل کیا جائے گا۔

دوسرے فیز میں 4789 سکولوں کو ٹھیکے پر دیا گیا یہ فنڈ سے گرمی کی چھٹیوں میں تزئین و آرائش، بلز، فرنیچر و شجر کاری پرخرچ ہونگے۔

فنڈز کےاخراجات کامکمل ریکارڈ محکمہ سکولوں ایجوکیشن کو فراہم کیا جائے گا، اساتذہ کو 15 ہزار روپے ماہانہ تنخواہ ادا کرنا سکول آنر کی ذمہ داری ہوگی۔