لائبریریاں بنانے کیلئے ہائی سکولوں کا انتخاب کر لیا گیا

پنجاب کے ہائی سکولوں میں لائبریریاں بنانے کا منصوبہ غیر سرکاری تنظیم کے تعاون سے شروع کیا جائے گا ، ادارہ تعلیم و آگاہی ایجوکیشن اتھارٹیز کے اساتذہ کو لائبریری سے متعلق تربیت فراہم کرے گا۔

لائبریری کیلئے کتابیں بھی ادارہ تعلیم و آگاہی فراہم کرے گا، مذکورہ لائبریریوں میں کتابیں رکھنے کیلئے الماریاں ادارہ تعلیم و آگاہی مہیا کرے گا ۔

لائبریری میں بچوں کے بیٹھنے کیلئے کارپٹ رکھے جائیں گے۔ لائبریری کی دیکھ بھال کی ذمہ داری متعلقہ سکول سربراہان کی ہو گی۔

منصوبے میں کامیابی پر دیگر سکولوں میں بھی لائبریریاں بنائی جائیں گی۔