خراب نتائج والے پرائمری سکولوں کی مانیٹرنگ کرانے کافیصلہ

پرائمری سکولوں میں 18 فیصد نان فنکشنل، 40 فیصد کا رزلٹ غیرتسلی بخش اور 28 فیصد سکولوں میں زیر تعلیم بچوں کی انرولمنٹ جعلی ہونے کا انکشاف سامنے آیا ہے ۔

تفصیل کے مطابق چار ہزارسے زائد پرائمری سکولوں میں زیرتعلیم لاکھوں طلباء کا مستقل خطرے میں پڑگیا ، یہ سکول پانچ سال قبل پرائیویٹ پبلک پارٹنر شپ کے تحت پنجاب ایجوکیشن انیشیٹو مینجمنٹ اتھارٹی کے حوالے کئے گئے تھے۔

ان میں سے 18 فیصد غیر فعال ، جبکہ 40 فیصد میں پیک کا رزلٹ تسلی بخش نہیں۔ 28 فیصد سکولوں میں انرولمنٹ جعلی ہے۔

محکمہ سکول ایجوکیشن نے مذکورہ سکولوں کی مانیٹرنگ کا فیصلہ کرلیا ہے۔ اے ای اوز کو فی سکول کی مانیٹرنگ کا پانچ سو روپے معاوضہ دیا جائیگا۔

مانیٹرنگ اگست میں کی جائے گی۔ تسلی بخش کارکردگی نہ ہونے پرمتعلقہ پرائمری سکول کو محکمہ سکول ایجوکیشن کی تحویل میں واپس لے لیا جائے گا۔