سکول نیوٹریشن پروگرام کا دائرہ کار وسیع کر دیا گیا

اب 70 سرکاری سکولوں کے 20 ہزار بچوں کو روزانہ غذائیت سے بھرپور کھانا فراہم کیا جائے گا۔

تفصیل کے مطابق سرکاری سکولوں میں فوڈ نیوٹریشن پروگرام فیز تھری کا آغاز گورنمنٹ گرلز پرائمری اسکول سے کردیا گیا ہے۔

پہلے دو فیز میں 40 اسکولوں کے بچوں کو معیاری اور غذائیت سے بھرپور خوراک فراہم کی گئی تھی جبکہ اب مزید 30 اسکولوں میں فورٹیفائیڈ فوڈ دینے کا عمل شروع کیا گیا ہے۔

ڈی جی پنجاب فوڈ اتھارٹی کا کہنا ہے کہ یہ پروگرام قومی خزانے سے رقم لیے بغیر چلایا جا رہا ہے۔