اساتذہ نے تبادلوں کیلئے جعلی میڈیکل سرٹیفکیٹ جمع کروا دیئے

صوبہ بھر میں اساتذہ کو ہارڈ شپ کی بنیاد پر تبادلوں میں مشکلات، بیشتر اساتذہ نے تبادلوں کیلئے جعلی میڈیکل سرٹیفکیٹ جمع کروا دیئے۔

تفصیل کے مطابق ہارڈ شپ تبادلوں کی پالیسی میں نرمی کے باوجود اساتذہ تبادلوں کیلئے خوار ہونے پر مجبور ہوگئے۔

ذرائع کے مطابق بیشتر اساتذہ نے تبادلوں کیلئے جعلی میڈیکل سرٹیفکیٹ جمع کروا دیئے ہیں، ہارڈ شپ کیٹیگری پر پورا اترنے کے لیے ٹیچرز جعلی میڈیکل سرٹیفکیٹ کے حصول کے لیے کوشاں ہیں۔

حکام کا کہنا ہے کہ میڈیکل کی بنیاد پر ٹرانسفر کے خواہش مند اساتذہ کو سرکاری ہسپتال کا میڈیکل سرٹیفکیٹ پیش کرنا ہوگا، جعلی میڈیکل سرٹیفکیٹ جمع کروانے والے اساتذہ کیخلاف کارروائی کیجائے گی۔