سرکاری سکولوں کی خواتین اساتذہ کو الیکٹرانک سکوٹی دینے کا فیصلہ

پنجاب حکومت محکمہ سکول ایجوکیشن پنجاب کے اس منصوبے کو میگا پراجیکٹ کے طور پر آئندہ مالی سال 22-2021 کے بجٹ میں شامل کرے گی۔

اس سلسلے میں محکمہ سکول ایجوکیشن پنجاب نے اپنی سفارشات پر مبنی ایک سمری منظوری کے لئے محکمہ پی این ڈی کو ارسال کردی ہے۔

یہ بھی بتایا گیا ہے کہ خواتین اساتذہ کو سکوٹیاں فراہم کرنے سے پبلک ٹرانسپورٹ پر بوجھ کم ہوگا، جبکہ سکوٹیاں دینے کے لئے میرٹ اور قواعد و ضوابط کو حتمی شکل دے دی گئی ہے۔

بتایا جاتا ہے کہ جو خواتین اساتذہ سکوٹیاں حاصل کریں گی، ان سے آسان اقساط پر بلا سود قیمت وصول کی جائے گی ،جبکہ قسطیں اساتذہ کی تنخواہوں سے کاٹ لی جائیں گی۔