محکمہ سکول ایجوکیشن نے موسم سرما کیلئے سکولوں کا نیاٹائم ٹیبل تیار کرلیا

سکولوں کے اوقات کار میں تبدیلی کی منظوری کیلئے سمری وزیر اعلیٰ کو ارسال کردی گئی ۔

بتایا گیا ہے کہ سکولوں میں موسم سرما کے اوقات کار 15اکتوبر سے تبدیل ہوتے ہیں، سکولوں نے گزشتہ برس کے اوقات کار نافذ کردئے ہیں لیکن اب محکمہ سکولز نے رواں برس کے اوقات کار تیار کرلئے ہیں، نئے اوقات کار میں سکول صبح ساڑھے 8بجے لگیں گے، چھٹی ڈھائی بجے ہوگی۔

محکمہ سکول ایجوکیشن کے مطابق نئے ٹائم ٹیبل میں ہفتے کی چھٹی کو بھی برقرار رکھا گیا، منظوری کے بعد سکولوں کے نئے اوقات کار کا اطلاق 20 اکتوبر سے ہوگا۔