ایس ایس ٹیچرز ایسوسی ایشن نے ریشنلائز یشن پالیسی کو مسترد کردیا
پنجاب ایس ای ایس ٹیچرز ایسوسی ایشن ملتان کا ماہانہ وار اجلاس زیر صدارت رانا دلشاد علی منعقد ہوا.
اجلاس میں راؤ ساجد مصطفی,شہزاد ظفر خان، محمد یونس خان لودھی, ظفر بھٹہ,افنان اشفاق ,حمزہ ناصر, چوہدری فاروق, محمد احمد و دیگر عہدیداران شامل تھے. تمام عہدیداران نے متفقہ طور پر ریشنلائزیشن, ایس ٹی آر پالیسی ,غلط ایڈجسٹمنٹس کو مسترد کیا , اور کہا کہ کنٹریکٹ پالیسی کو ختم کیا جائے اور تمام تقرریاں مستقل بنیادوں پر کی جائیں۔
فی میل اساتذہ جو مردانہ سکولوں میں تعینات ہیں ان کو ان کے گھر کے قریب زنانہ سکولوں میں شفٹ کیا جائے۔ مانیٹرنگ سسٹم کا مکمل خاتمہ کیا جائے پرموشن پالیسی اور پے پروٹیکشن پر عملدرآمد کیا جائے۔
درجہ چہارم کی بھرتی میرٹ پر کی جائے اساتذہ اور دیگر سرکاری ملازمین کے اے جی آفس کے مسائل فوری حل کیے جائیں ورنہ ایس ای ایس ملتان بھرپور احتجاج کرے گی۔
