گیس کی فراہمی کے نئے اوقات کار

شہریوں کو درپیش گیس بحران کے پیش نظر متعلقہ حکام کی جانب سے گیس کی فراہمی کے اوقات کار جاری کر دیے گئے ہیں۔

اعلامیے کے مطابق گیس کی سپلائی دن میں تین مختلف اوقات میں فراہم کی جائے گی تاکہ زیادہ سے زیادہ صارفین کو سہولت میسر آ سکے۔

جاری شیڈول کے مطابق صبح کے اوقات میں گیس کی فراہمی 06:00 بجے سے 09:00 بجے تک، دوپہر میں 12:00 بجے سے 02:00 بجے تک جبکہ شام کے وقت 06:00 بجے سے 09:00 بجے تک جاری رہے گی۔میں

حکام نے اپیل کی ہے کہ وہ مقررہ اوقات کے دوران ہی گیس کا استعمال کریں اور غیر ضروری استعمال سے گریز کریں تاکہ تمام علاقوں میں گیس کی منصفانہ تقسیم یقینی بنائی جا سکے۔

مزید برآں، صارفین کو ہدایت کی گئی ہے کہ وہ گیس کے ضیاع سے بچیں اور ذمہ داری کا مظاہرہ کریں تاکہ موجودہ صورتحال میں مشکلات کو کم کیا جا سکے۔