گورنمنٹ سمرا پبلک ہائی اسکول ملتان میں نو مئی کے حوالے سے خصوصی اسمبلی کا انعقاد کیا گیا

بچوں میں حب الوطنی کے جذبے کو اجاگر کرنے اور انہیں ملکی صورتحال سے آگاہ کرنے کے لیے گورنمنٹ سمرا پبلک ہائی اسکول ملتان میں سینئر ہیڈ ماسٹر خالد محمود خان کی زیرِ صدارت ایک خصوصی اسمبلی کا انعقاد کیا گیا۔

حکومتی ہدایات کی روشنی میں منعقدہ اس پروگرام میں اساتذہ کرام اور طلباء کی کثیر تعداد نے شرکت کی۔ خالد محمود خان نے اپنے خطاب میں طلباء کو گز نو مئی کے افسوسناک واقعات کی سنگینی سے آگاہ کیا۔

انہوں نے موجودہ ملکی صورتحال پر روشنی ڈالتے ہوئے پاک فوج کی اہمیت اور ملک کی سلامتی کے لیے ان کی قربانیوں کو سراہا۔

انہوں نے پاک فوج کے شانہ بشانہ کھڑے ہونے اور ان کے حوصلے بلند رکھنے کی ضرورت پر زور دیا۔اس موقع پر اساتذہ کرام نے بھی تقاریر کیں اور طلباء کو ملک کی اہمیت اور دفاع وطن کے جذبے سے سر شار کیا۔