ملتان ،بہاولپور، ڈیرہ ڈویژنوں کے تعلیمی اداروں کےلئے اربوں روپے کے پراجیکٹس
ملتان، بہاول پور اور ڈیرہ غازی خان ڈویژنز کی یونیورسٹیز اور کالجز میں اربوں روپے کی لاگت سے نئی بلڈنگز، بلاکس کی تعمیر، اپ گریڈیشن اور بنیادی سہولیات کی فراہمی کے لیے ہائیر ایجوکیشن کے منصوبوں پر کام تیزی سے جاری ہے۔
یہ بات سیکرٹری ہائر ایجوکیشن ساوتھ پنجاب الطاف حسین بلوچ کو سالانہ ترقیاتی پروگرام کے تحت ہائیر ایجوکیشن کی مختلف اسکیموں کے بارے بریفنگ دیتے ہوئے بتائی۔
ملتان، بہاول پور اور ڈیرہ غازی خان ڈویژن کے ڈائریکٹر کالجز و ڈپٹی ڈائریکٹر کالجز اور یونیورسٹیوں کے ڈائریکٹرز (پلاننگ اینڈ ڈویلپمنٹ) بھی اس موقع پر موجود تھے۔
اجلاس میں ایڈیشنل سیکرٹری عطاء الحق سمیت ہائیر ایجوکیشن کے متعلقہ افسران نے شرکت کی۔
اس موقع پر سیکرٹری ہائیر ایجوکیشن جنوبی پنجاب کو ملتان، بہاول پور اور ڈیرہ غازی خان ڈویژنز میں ہائیر ایجوکیشن کے جاری و نئے منصوبوں، جنوبی پنجاب کے تمام کالجز میں فنڈز کے استعمال اور دیگر معاملات کے بارے میں بریفنگ دی گئی۔
سیکرٹری ایجوکیشن جنوبی پنجاب نے ہدایت کی کہ ہائیر ایجوکیشن کی اسکیموں پر کام کی رفتار، معیار اور شفافیت کی نگرانی کرنے کے لیے ملٹی ڈیپارٹمنٹ اسپیشل باڈی تشکیل دی جائے۔
انہوں نے ڈائریکٹرز اور ڈپٹی ڈائریکٹرز کو کالجز کی بہتری کے لیے عمومی اقدامات پر عمل درآمد یقینی بنانے کی ہدایات دیں۔
