پنجاب بھر کے 38 ہزار سرکاری سکولوں میں21 مئی کو سٹوڈنٹ کونسل کے انتخابات ہونگے

سکول سٹوڈنٹس کونسل کے الیکشن کے لئے ڈائریکٹر پبلک انسٹرکشن ایلمنٹری پنجاب نے شیڈول جاری کردیا گیا۔

جس کے مطابق کونسل کے انتخابات کے لئے کاغذات نامزدگی جمع کروانے کی آخری تاریخ 9 مئی مقرر کردی گئی۔

12 مئی کو امیدواروں کی حتمی فہرستیں جاری کی جائیں گی، امیدواروں کو انتخابی نشان بھی 12 مئی کو دیا جائے گا جبکہ 13 مئی کو سکولوں میں پوسٹر آویزاں کیے جائیں گے۔

امیدوار انتخابی مہم 16 مئی تک جاری رکھ سکیں گے، 20 مئی تک بیلٹ پیپرز اور الیکشن کی تیاریاں مکمل کیجائیں گی، سٹوڈنٹ کونسل کے انتخابات کے حوالے سے تمام اتھارٹیز کو حکم دیدیا گیا ہے۔