سید اسد علی نقوی جی ایم پی ٹی وی ملتان تعینات

پاکستان ٹیلی ویژن ملتان سینٹر کے نئے جنرل منیجر سید اسد علی نقوی نے اپنے عہدے کا چارج سنبھال کر کام شروع کر دیا ہے۔

اُنھوں نے ایک ملاقات میں بتایا کہ وہ ملتان کے فنکاروں اور وسیب کے لوگوں کی خدمت کا جذبہ لے کر ملتان آئے ہیں۔

تمام شعبہ ہائے زندگی سے تعلق رکھنے والے افراد کو پی ٹی وی ملتان سے نمائندگی دی جائے گی۔

اسد علی نقوی نے کہا کہ پی ٹی وی ملتان کے لئے جنرل منیجر ہونے کو اپنے لئے چیلنج سمجھتا ہوں، اُنہوں نے کہا کہ پی ٹی وی ملتان سے بہت جلد 6 گھنٹے کی نشریات کا آغاز کرنے جارہے ہیں، جس میں نئی پروگرامنگ ہوگی، جنوبی پنجاب کے کلچر اور میوزک کو فروغ دینے میں کوئی دقیقہ فروگزاشت نہیں کروں گا۔

سید اسد نقوی نے کہا کہ اس زرخیز خطے میں زراعت کی ترویج کے لئے بھی کام کریں گے۔