محکمہ سکولز نے اساتذہ کے لیے ٹیچنگ لائسنس لازمی قرار دینے کا حتمی فیصلہ

لائسنس کا اجراء ٹیسٹ کے ذریعے کیا جائے گا اور یہ 5 سال کے لیے مؤثر ہوگا۔

بتایا گیا ہے کہ لائسنس 3 کیٹیگریز پر مشتمل ہوگا پرائمری، ایلیمنٹری اور سیکنڈری ہیں۔
اب نئی بھرتیاں اور پروموشنز صرف ان ہی اساتذہ کو دی جائیں گی جن کے پاس یہ لائسنس ہو گا۔ ٹیسٹ کے سلیبس میں اسکول سبجیکٹس، جنرل نالج اور آئی ٹی سکلز شامل ہوں گی۔

ذرائع کا کہنا ہے کہ فی الحال ٹیسٹ لینے والی ایجنسی کے بارے میں کوئی حتمی فیصلہ نہیں کیا گیا، تاہم لائسنس سرکاری اور نجی دونوں سیکٹرز کے اساتذہ کے لیے لازمی ہو گا۔ بغیر لائسنس کے کسی بھی استاد کو اسکول میں تدریس کی اجازت نہیں دی جائے گی، ٹیچنگ لائسنس کے اجراء کی حتمی منظوری وزیر اعلیٰ پنجاب دیں گی۔