زکریا یونیورسٹی کے ٹرانسپورٹ سسٹم کو شفاف انداز میں چلانے کے لئے ٹیکنکل کمیٹی قائم

زکریا یونیورسٹی کے وائس چانسلر پروفیسر ڈاکٹر محمد علی شاہ نے ٹرانسپورٹ سسٹم کو شفاف انداز میں چلانے کےلئے ٹیکنیکل کمیٹی قائم کردی، جس کے کنوینئر ڈاکٹر فیاض احمد، ایسوسی ایٹ پروفیسر، ایگری۔ انجینئرنگ ڈیپارٹمنٹ ہوں گے جبکہ ممبران میں  انجینئر عبدالرؤف، لیکچرار، مکینیکل انجینئرنگ ڈیپارٹمنٹ انجینئر عمیر احسن خان، لیب انجینئر، مکینیکل انجینئر جبکہ سیکرٹری ٹرانسپورٹ آفیسر ہوں گے۔

کمیٹی کے ایس او پیز میں گاڑیوں کا معائنہ، بحالی کا نظام الاوقات، خرابی کا تعین ، مرمت اور تبدیلی، حفاظتی چیک،گاڑیوں کی جانچ پڑتال ، گاڑیوں کی حفاظت کے سرٹیفیکیشن،اور فلیٹ مینجمنٹ شامل ہیں۔

یہ کمیٹی ابتدائی طور پر خریداری / دیکھ بھال کی درخواست کا جائزہ لے گی اور ساتھ ہی تمام خریداریوں/ دیکھ بھال اور ٹینڈر کی تیاری بھی کرے گی ۔