ایمرسن یونیورسٹی میں کانفرنس کا اختتام
ایمرسن یونیورسٹی ملتان کے شعبہ بائیو سائنسز اینڈ ٹیکنالوجی کے زیر اہتمام منعقدہ دو روزہ بین الاقوامی سائنس کانفرنس "ٹیکنو مالیکیولز 2025” کامیابی کے ساتھ اختتام پذیر ہو گئی۔
دوسرے روز کے سیشن کی صدارت ڈاکٹر محمد علیم اشرف اور ڈاکٹر راحیلہ وحید نے کی، جس میں بین الاقوامی مقررین نے آن لائن شرکت کی۔
مقررین میں ڈاکٹر محمد موسیٰ خان (زے جیانگ یونیورسٹی، چین) جنہوں نے الٹرا وائلٹ شعاعوں سے انسیکٹی سائیڈ ریزسٹنس میں کمی کے امکانات بیان کیے۔
ڈاکٹر محمد شفیق نے پاکستان میں فرانزک سائنس کے موجودہ رجحانات اور مستقبل پر تفصیلی گفتگو کی۔
ڈاکٹر رفاقت علی گل ,چائنیز اکیڈمی آف سائنسز نے پودوں میں جینیاتی عناصر کی حرکت اور ایپی جینیٹک ریگولیشن پر بات کی۔
ڈاکٹر مریم زین ،ویمن یونیورسٹی نے سیلیک بیماری میں مبتلا بچوں میں غذائی کمی کے کلینیکل تجزیے پر تحقیق پیش کی۔
