سیلاب سے پنجاب بھر میں 60 ہزار سے زائد بچوں کا تعلیمی سلسلہ متاثر، عارضی سکولز قائم کرنے کافیصلہ

محکمہ سکول ایجوکیشن نے یونیسیف کے تعاون سے متاثرہ علاقوں میں عارضی ٹینٹ سکولزقائم کرنے کا فیصلہ کیا ہے۔

حکام کا کہنا ہے کہ سیلاب سے متاثرہ سکول عمارات کی بحالی کا کام تیزی سے جاری ہے اور 90 دن کے اندر تمام سکولوں کوبحال کرنے کا ہدف مقررکیا گیا۔

بچوں کے تعلیمی نقصان (لرننگ لاسز) کو کم کرنے کیلئے صوبے بھرمیں تین شفٹوں میں عارضی سکولز چلائے جا رہے ہیں تاکہ کسی بھی بچے کا تعلیمی سال ضائع نہ ہو۔

ٹینٹ سکولزآئندہ ہفتے سے کام شروع کردیں گے اور ان میں بنیادی تعلیمی سہولیات، سٹیشنری اور فرنیچربھی فراہم کیا جائے گا۔