گورنمنٹ گرلز ایم سی ہائی سکول رحیم آباد میں مفت یونیفارم تقسیم
ڈپٹی کمشنر ملتان عامر کریم خاں کی ہدایت پر ضلعی انتظامیہ کی جانب سے تعلیمی اداروں میں سہولیات کی فراہمی جاری ہے۔
اس سلسلے میںگورنمنٹ گرلز ایم سی ہائی سکول رحیم آباد میں مفت یونیفارم تقسیم کئے گئے ۔
اس موقع پر ڈپٹی کمشنر عامر کریم خاں نے طلباء میں بلامعاوضہ یونیفارم تقسیم کئے۔
ایڈیشنل ڈپٹی کمشنر ریونیو طیب خان اور صدر روٹری کلب حاجی عمر بھٹہ بھی ہمراہ تھے۔
تقریب میں طلباء نے ٹیبلوز اور کلچرل پروگرامز کے حوالے سے خوبصورت پرفارمنس بھی پیش کیں۔
ڈپٹی کمشنر عامر کریم خاں نے کہا کہ ضلعی انتظامیہ نجی سیکٹر کے تعاون سے سکولز میں سہولیات فراہم کررہی ہے۔
دیہی سکولز میں نئے کلاس رومز،سٹرکچر کی بحالی کے منصوبے بھی جاری ہیں۔
ڈپٹی کمشنر نے کہا کہ نادار طلباء کو جوتے اور یونیفارم فراہمی کیلئے نجی سیکٹر کا تعاون حاصل ہے۔کسی بچے کو غربت کے باعث زیور تعلیم سے محروم نہیں رہنے دینگے۔
