Paid ad
Breaking NewsInternationalتازہ ترین

حزب اللہ: امریکا نے نئی پابندیاں لگا دیں

امریکا نے لبنان کی عسکری و سیاسی تنظیم حزب اللہ سے تعلق کے الزام میں پابندیوں کا دائرہ وسیع کر دیا۔

بین الاقوامی میڈیا رپورٹس کے مطابق امریکا نے 10 اقتصادی اداروں پر حزب اللہ کی مددکرنے پر پابندیاں عائد کر دی ہیں۔

امریکا کی جانب سے 3 لبنانی اور 10 اقتصادی اداروں پرپابندیاں عائدکی گئی۔یہ پابندیاں محکمہ خزانہ کی جانب سے عائد کی گئی ہیں اور اس حوالے سے ڈیپارٹمنٹ نے باقاعدہ بیان جاری کیا ہے۔

محکمہ کی تازہ ترین پابندیوں کا ہدف عادل دیاب، عدنان ایاد اور جہاد عدنان ایاد ہیں جو کہ لبنانی شہری ہیں اور منگل کے روز امریکا کی جانب سے 3 افراد پر پابندیوں کا اعلان کیا گیا تھا۔

واشنگٹن نے کہا تھا کہ وہ 3 لبنانی تاجروں پر پابندی عائد کرنے جارہا ہے۔ محکمہ خزانہ نے ویب سائٹ پر جاری بیان میں کہا ہے کہ دہشت گردی سے متعلق عالمی پابندیوں کے تحت نئی پابندیاں لگائی گئی ہیں۔

واضح رہے کہ ایک جانب لبنانی عسکریت تنظیم پر عالمی پابندیاں عائد کی جارہی ہیں تو دوسری جانب روس کے صدر ولادیمیر پیوٹن حزب اللہ کو تسلیم کر چکے ہیں۔

صدر پیوٹن نے حزب اللہ کو لبنان میں اہم سیاسی ‏قوت اور اس کے سیاسی کردار کو اہم قرار دیا۔ انہوں نے کہا کہ حزب اللہ سے متعلق ممالک کی اپنی رائے ہے اور ہمارا نقطہ نظر الگ ہے ہمارے نظریات کے ‏مطابق حزب اللہ لبنان میں اہم سیاسی طاقت ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button