واسا کے ڈائریکٹر ایڈمن کی خدمات زکریا یونیورسٹی کو واپس کردی گئیں

زکریا یونیورسٹی کے انجینئر محمد احسن بلال واسا میں ڈیپوٹیشن پر بطور ڈائریکٹر ایڈمن کام کررہے تھے، چیف سیکرٹری پنجاب زاہد اختر زماں نے انکی خدمات زکریا یونیورسٹی کو واپس کردیں اور ان کو فوری طور پر زکریا یونیورسٹی رپورٹ کرنے کی ہدایت کی ہے۔

یہ بھی پڑھیں ۔
ڈائریکٹر ریکوری واسا کو تبدیل کردیا گیا

ذرائع کا کہنا ہے کہ واسا کے دو بڑے افسروں کے خلاف انٹی کرپشن میں کیس چل رہے ہیں، ان پر ڈیڑھ ارب سے زائد کی کرپشن کے الزامات ہیں، ڈائریکٹر عبدالسلام اور سعید ڈوگر کے تحفظات تھے کہ انٹی کرپشن میں ان کیسز کو سپیڈ اپ کرانے کے پیچھے انجینئر احسن بلال کا ہاتھ ہے۔

یہ بھی پڑھیں ۔
کرپشن کے کیسوں میں گرفتاریوں کا خوف، واسا افسران کا 3 رکنی گینگ ڈائیریکٹر ایڈمن پر چڑھ دوڑا

یونین احتجاج بھی اسی سلسلے کی ایک کڑی تھا، ان افسروں نے سیکرٹری اور ڈی جی ایم ڈی اے سے ملاقات کی اور اپنے تحفظات سے آگاہ کیا، جس کے بعد انہوں ان افسروں کو بھی سیٹ سے ہٹا دیا اور انجینئر احسن بلال بارے رپورٹ بنا کر چیف سیکرٹری کو ارسال کردی، جس میں ان کی خدمات واپس کرنے کی تجویز دی گئی تھی جس کو تسلیم کرتے ہوئے ان کی خدمات فوری طور پر واپس کردی گئیں ۔