گٹروں کے لوہے کے کڑوں کی چوری کی روک تھام کیلئے خصوصی اقدامات
مینیجنگ ڈائریکٹر واسا قیصر رضا نے گٹروں کے لوہے کے کڑوں کی چوری کی روک تھام کیلئے خصوصی اقدامات کرنے کا فیصلہ کیا ہے۔
اب گٹروں پر لوہے کے کڑے کی جگہ پری کاسٹ فریم استعمال کیے جائیں گے ، پری کاسٹ فریم کے استعمال سے شہریوں کو نہ صرف بڑا ریلیف ملے گا بلکہ پری کاسٹ فریم کے استعمال سے کڑے چوری کی وارداتوں کا سدباب ہوگا ،اورسڑک،گلی کی دوبارہ تعمیر کے وقت مین ہول کی مرمت اور اس کو نئے لیول کے ساتھ با آسانی ایڈ جسٹ کیا جاسکے گا۔
ادارے کو بھی لوہے کے کڑے کی چوری کی وجہ سے درپیش مسائل اور بار بار مرمت کیلے بھاری اخراجات سے بھی نجات ملے گی۔
ایم ڈی واسا قیصر رضا نے تمام سیوریج ڈویژنوں کو پری کاسٹ فریم کے استعمال کرنے کی ہدایات جاری کردی ہیں۔
دریں اثنا ایم ڈی واسا نے مین ہول کورز کے حوالے سے شہریوں کو آگاہ کیا ہے کہ واسا مین ہولز کورز کے سلسلے میں زیرو ٹالرنس کی پالیسی پر عمل پیرا ہیں۔
شہری مین ہولز کورز نہ ہونے کی شکایات 1334 پر درج کروائیں، مین ہولز پر کورز کی موجودگی،مرمت کو یقینی بنانا اولین ترجیح ہے، ان کی مین ہول کور سے متعلق تمام شکایت کا ہنگامی ازالہ یقینی بنایا جائے گا۔