پاکستان بمقابلہ ویسٹ انڈیز ٹیسٹ سریز: دوسرے میچ کی پہلی اننگ میں پاکستانی بالرز کا راج، ویسٹ انڈیز 163 پر آؤٹ،نعمان علی کی 6 وکٹیں
پوری ٹیم 1۔41 اورز میں 163 سکور پر سمٹ گئی، 4 بلے باز بنا کوئی رن بنائے آؤٹ ہوئے جبکہ 3 بیٹرز ڈبل فگر میں داخل نہ ہوسکے، ویسٹ انڈیز کی جانب سے گداکیش موتی 55، کیمار روچ 25، کیوم ہوج 21 جبکہ جومیل وارکین 36 پر ناٹ آؤٹ رہے، نعمان علی ہیٹرک مکمل کرنے والے پہلے پاکستانی سپنر
ملتان کرکٹ سٹیڈیم میں جاری پاکستان ویسٹ انڈٰز ٹیسٹ سیریز کے دوسرے میچ کی پہلی اننگ میں ویسٹ انڈیز میزبان بالرز کا سامنا نہ کرسکے اور کھانے کے وقفے تک پہلی اننگ میں ویسٹ انڈیز کی پوری 163 پر پویلین لوٹ گئی۔
یہ بھی پڑھیں ۔
ملتان ٹیسٹ: نعمان علی کی ہیٹرک، ملتان سٹیڈیم میں پہلی بار ریکارڈ کرنے والے بالر بن گئے
ٹاس جیت کر پہلے بیٹنگ کا فیصلہ ویسٹ انڈیز کو بھاری پڑا، ڈیبیو کرنے والے کاشف علی نے اپنے پہلے سپیل میں میکائل لوئس کو 8 کے مجموعی سکور پر وکٹوں کے پیچھے کیچ آؤٹ کروایا، جو اس 4 کے انفردی سکور پر بیٹنگ کر رہے تھے۔
دوسرے آؤٹ ہونے والے بلے عامر جانگو تھے جہنوں نے اپنے ٹیسٹ کرئیر کا آغاز کیا، اور بنا کوئی رنز بنائے ساجد خان کا شکار بنے۔
یہ بھی پڑھیں ۔
پاکستان بمقابلہ ویسٹ انڈیز ٹیسٹ سیریز: دوسرے میچ میں ویسٹ انڈیز کا ٹاس جیت کر پہلے بیٹنگ کا فیصلہ
کپتان کریگ بریتھویٹ نے کچھ مزاحمت کی، لیکن ان نعمان علی کے سامنے ان کی ایک نے چلی اور 32 کے مجموعی سکور پر ایل بی ڈبلیو آؤٹ ہوگئے، وہ 9 رنز بنا سکے۔
الیکس اتھنزے بنا کو ئی سکور بنائے ساجد خان کی گیند پر ایل بی ڈبلیو آؤٹ ہوگئے۔
38 کے مجموعی سکور نعمان علی نے پنے ٹیسٹ کرئیر کی پہلی ہیٹ ٹرک مکمل کی ، وہ یہ اعزاز حاصل کرنےو الے پانچویں پاکستانی ہیں، اس سے قبل وسیم اکرم نے 2 مرتبہ، محمد سمیع عبدالرزاق اور نسیم شاہ نے 1-1 مرتبہ یہ اعزاز اپنے نام کیا۔
آؤٹ ہونے والے بلے بازوں میں جسٹن گریوز، ٹیون املاچ اور کیون سنکلئیر شامل تھے۔ ان کی ہیٹرک میں 2 کیچ آؤٹ اور ایک ایل بی ڈبلیو آؤٹ شامل تھا۔ ملتان کرکٹ سٹیڈم میں یہ ریکارڈ پہلی مرتبہ بنا۔
8ویں وکٹ 54 کے مجموعی سکور پر گری، جب ابرار احمد نے کیوم ہوج کو 21 کے ذاتی سکور پر محمد ہریرہ کے ہاتھوں کیچ آؤٹ کروایا۔
54 سکور پر 8 وکٹیں گرنے بعد ایسا لگتا تھا کہ ویسٹ انڈیز کا مجموعہ بمشکل ہی ٹرپل فگر میں داخل ہوگا لیکن ٹیل اینڈرز نے سکور کارڈ کو سست روی سے آگے بڑھایا۔
9ویں وکٹ کی شراکت داری میں 41 رن بنے، 95 کے مجموعی سکور پر کیمار روچ 25 رن سکور کر نعمان علی کی گیند پر ایل بی ڈبلیو آؤٹ ہوئے۔
جومیل وارکین نے جارحانہ انداز اختیار کرتے ہوئے وکٹ کی چاروں جانب پریشر شارٹس کھیلیں جبکہ گداکیش موتی نے 4 چوکوں کی مدد سے اپنے ٹیسٹ کرئیر کی پہلی نصف سنچری مکمل کی۔
آخری وکٹ کی شراکت داری میں 68 سکور بنے، کرئیر کی پہلی نصف سنچری بنانے والے گدا کیش موتی کو نعمان علی نے 55 کے ذاتی سکور پر بولڈ آؤٹ کردیا، جبکہ جومیل وارکین 36 پر ناٹ آؤٹ رہے۔
پاکستان کی جانب سے نعمان علی نے 41 رنز دیکر 6، ساجد خان 2، جبکہ کاشف علی اور محمد ابرار نے 1-1 کھلاڑی کو آؤٹ کیا۔
