ملتان : ویمن یونیورسٹی نے سیشن 24-2023 کے داخلوں کا اعلان کردیا

ترجمان کے مطابق سیشن خزاں میں ایسوسی ایٹ ڈگری پروگرامز ( اے ڈی پی دوسالہ) بی ایس چار سالہ ،بی ایس پوسٹ اے ڈی پی ،بی اے ، بی ایس سی دوسالہ ایم فل ،پی ایچ ڈی پروگرامز اور ڈپلومہ میں داخلے کئے جائیں گے ۔

انڈر گریجویٹ اور پوسٹ گریجویٹ کے لئے 28 مضامین، ایم فل کےلئے 22 اور پی ایچ ڈی کے 14 مضامین میں امیدوار داخلہ لے سکیں گی ۔

بی ایڈ ڈیڑھ سالہ، اریلی چائلڈ ایجوکیشن ، گرافک ڈیزائنگ، ڈرائنگ اینڈ پنٹنگ ، ماڈلنگ اینڈ مجسمہ سازی اور سرامکس میں ڈپلومے کروائے جائیں گے۔

درخواستیں جمع کرانے کی آخری تاریخ 18اگست مقرر کی گئی ہے، امیدواروں کو آن لائن اپلائی کرنا پڑے گا، داخلے کی تمام ترتفصیلات یونیورسٹی کی ویب سائٹ پر جاری کردی گئی ہیں۔