ویمن یونیورسٹی ملتان نے ٹرانس جینڈرز کےلئے دروازے کھول دئے

ویمن یونیورسٹی ملتان نے بھی ٹرانس جینڈر کو داخلے دینے کا اعلان کردیا ہے، اور اس بارے پالیسی بھی جاری کردی ہے۔

جس میں کہا گیاہے کہ صرف خواتین ٹرانس جینڈر داخلہ لینے کی اہل ہوں گی، اور ان کا پیدائشی طور پر ٹرانس جینڈر ہونا لازم ہے، جبکہ نادرا میں بھی انکی رجسٹریشن بطور ٹرانس جینڈر کے ہونی چاہیے جبکہ کسی بھی سرکاری میڈیکل بورڈ سے ان کا مخنث ہونا ڈیکلیئر ہونا بھی لازم ہوگا، جس کے بعد وہ داخلہ لینے کی اہل ہوں گی۔

چیئرپرسن داخلہ کمیٹی کے مطابق ٹرانس جینڈر تمام مضامین میں داخلہ لے سکیں گی، ان کو آن لائن اپلائی کرنا ہوگا، جبکہ تمام کوائف بھی جمع کرانا ہوں گے ۔