ویمن یونیورسٹی آج دو ایونٹ کی میزبانی کرے گی

ویمن یونیورسٹی انسٹی ٹیوٹ آف مینجمنٹ سائنسز اور اسٹیٹ بینک آف پاکستان کے باہمی اشتراک سے ایک روزہ فنانشل اینڈ بزنس گالا آج منگل کو کچہری کیمپس میں منعقد ہوگا۔

تقریب کی مہمان خصوصی وائس چانسلر پروفیسر ڈاکٹر عظمیٰ قریشی ہوں گی، گالا کی فوکل پرسن نورین صفدر (لیکچرر،انسٹی ٹیوٹ آف مینجمنٹ سائنسز ) ہیں۔

علاوہ ازیں دی ویمن یونیورسٹی ملتان، کنٹرولر امتحانات کے جاری کردہ نوٹیفکیشن کے مطابق شعبہ اسلامک اسٹڈیز کی پی ایچ ڈی سکالر سمیرا صفدر کا پبلک ڈیفنس آج 14 مارچ کو کچہری کیمپس میں صبح 11 بجے شروع ہوگا۔

ان کے ریسرچ مقالے کا عنوان ” عہد نبوی ﷺ میں مواساة اور عصر حاضر میں اس کا اطلاقی جائزہ” ہے، تقریب میں اساتذہ اور طالبات شرکت کریں گے۔