ویمن یونیورسٹی ملتان آج دو ایونٹس کی میزبانی کرے گی
ویمن یونیورسٹی میں نیشنل بزنس ڈویلپمنٹ پروگرام اور سمیڈا کے زیر اہتمام اور انسٹی ٹیوٹ آف مینجمنٹ سائنسز اور کیریئر کونسلنگ اور جاب پلیسمنٹ سنٹر کےاشتراک سے سیمینار 16 ستمبر کو ہوگا۔
کچہری کیمپس میں ہونے والے سیمینار کا عنوان انٹرپرینور شپ اور دستیاب کیرئر ذرائع رکھا گیا ہے ، سیمینار کی ریسوس پرسن معروف موٹیوٹر ثقلین سحر لیکچر دیں گے، سیمینار میں طلبا فیکلٹی ممبران شرکت کریں گے ۔
سیمینار کے اوقات صبح نوبجے شروع ہو گا ، سیمینار میں بزنس کرنے والی خواتین بھی شرکت کرسکیں گی؛ تاہم ان کو رجسٹریشن کرانا ہوگی، سیمینار میں چھوٹے کاروبار کو شروع کرنے اس کو چلانے کے حوالے سے تربیت دی جائے گی۔
علاوہ ازیں ویمن یونیورسٹی کے شعبہ انگلش کی پی ایچ ڈی سکالر سونیا اقبال کا پبلک ڈیفنس 16 ستمبر کو ہوگا ۔
ان کے تھیسس کا عنوان ” مشرقی خواتین افسانہ نگاروں کے منتخب ناول میں ثقافتی نقطہ نظر میں دوبارہ تصور کی شناخت "ہے۔
پبلک ڈیفنس کی تقریب کمیٹی روم وائس چانسلر آفس میں ہوگی ۔