ویمنز انڈر 19 ٹی ٹوئنٹی ایشیاء کپ: پاکستان ٹیم کی 6 کھلاڑیوں کا بھارت کے خلاف میچ سے انٹرنیشنل کیریئر کا آغاز

ویمنز انڈر 19 ٹی ٹوئینٹی ایشیا کپ میں پاکستان انڈر 19 ٹیم کی 6 کھلاڑیوں نے بھارت کے خلاف میچ سے انٹرنیشنل کیریئر کا آغاز کیا۔

ڈیبیو کرنے والی کھلاڑیوں میں فضا فیاض۔فاطمہ خان۔علیشا مختیار۔روزینہ اکرم۔ قرۃ العین اور ماہ نور زیب شامل ہیں، انڈر 19 ٹیم کی مینجمنٹ نے پہلا میچ کھیلنے والی کھلاڑیوں کو ڈیبیو کیپ دیں۔

ہیڈ کوچ محسن کمال نے فضا فیاض اور فاطمہ خان جبکہ اسٹنٹ کوچ محمد حنیف ملک نے روزینہ اکرم کو ڈیبیو کیپ پہنائیں۔

فیلڈنگ کوچ ناہیدہ خان نے علیشا مختیار۔ اینالسٹ عثمان شاہد نے قرۃ العین اور میڈیا مینجر محمد رفیع اللہ نے ماہ نور زیب کو ڈیبیو کیپ پہنائیں۔

مینجر ٹیم عائشہ جلیل اور مینجمنٹ نے ڈیبیو کرنے والی کھلاڑیوں کو انٹرنیشنل کیریئر شروع کرنے پر مبارکباد دی اور ٹیم مینجمنٹ نے ڈیبیو کرنے والی کھلاڑیوں کے لئے نیک خواہشات کا اظہار کیا۔