ویمن یونیورسٹی ملتان پاک فوج کے ساتھ اظہار یکجہتی کے لئے آج ریلی نکالے گی

ترجمان کے مطابق ویمن یونیورسٹی ملتان بھارت کی طرف سے حالیہ دھمکیوں کے جواب میں پاکستان کے استحکام اور امن کی حمایت میں یکجہتی واک کا اہتمام کر رہی ہے۔

اس واک کا مقصد قومی اتحاد، استحکام اور امن کے لیے ہماری اجتماعی وابستگی کو ظاہر کرنا ہے، واک کی قیادت وائس چانسلر پروفیسرڈاکٹر کلثوم پراچہ کریں گی۔

علاوہ ازیں ڈائریکٹر کیریئر ڈویلپمنٹ ڈاکٹر ثمینہ نے تمام چیئرپرسنز کو مراسلہ جاری کیا ہے کہ وہ اپنی طالبات کے ساتھ ریلی میں شرکت کریں اور واک کےلئے پوسٹرز، جھنڈے اور بینرز لائیں تاکہ ملک کے استحکام اور امن کے لیے اپنی یکجہتی اور حمایت کا اظہار کرسکیں۔