مسٹر پنجاب کا ٹائٹل جیتنے والے ملتان کے ضیاء انصاری کی کمشنر ملتان سے ملاقات
باڈی بلڈنگ میں مسٹر پنجاب کا ٹائٹل جیتنے والے ملتان کے ضیاء انصاری نے کمشنر ملتان انجینئر عامر خٹک سے ملاقات کی ، اور اپنی کارکردگی سے آگاہ کیا۔
جس پر کمشنر ملتان عامر خٹک نے مسرت کا اظہار کرتے ہوئے ان کو مسٹر پنجاب کا ٹائٹل حاصل کرنے پر مبارکباد دی۔
اس موقع پر ڈویژنل سپورٹس آفیسر رانا ندیم انجم، سابق ڈی ایس او ملتان محمد جمیل کامران، کوچ صداقت منیر اور سیاسی رہنماہ ضیاء انصاری موجود تھے۔
انہوں نے کہا کہ آپ کا یہ ٹائٹل جیتنا ہم سب کے لیے باعث مسرت ہے، آپ ملتان کا فخر ہیں۔
ملتان میں سپورٹس کا بے پناہ ٹیلنٹ ہے، جو کہ مختلف میدانوں میں اپنی صلاحیتوں کا اظہار کرتے ہوئے اپنے خطہ کا نام روشن کررہے ہیں۔
کمشنر ملتان انجینئر عامر خٹک نے امید ظاہر کرتے ہوئے کہا کہ مستقبل میں بھی ضیاء انصاری اسی طرح محنت کرتے ہوئے عالمی سطح پر پاکستان کا نام روشن کریں گے۔
