اطالوی کارپوریشن اسلام آباد کی سربراہ مس کرسٹینا ملتان پہنچ گئیں
ڈپٹی کمشنر علی شہزاد سے ان کے کیمپ آفس میں اطالوی کارپوریشن اسلام آباد کی سربراہ مس کرسٹینا نے ملاقات کی اور ملتان کی صدیوں پرانی شناخت کی بحالی اور ہینڈی کرافٹس پر خیالات کا تبادلہ کیا گیا۔
ڈپٹی کمشنر علی شہزاد نے کہا ک ملتان کے تاریخی ورثے کو اس کی اصل حالت میں بحالی میں دلچسپی پر اطالوی حکومت کے شکر گزار ہیں۔
والڈ سٹی پراجیکٹ ایک بہترین منصوبہ ہے،علی شہزاد نے کہا کہ والڈ سٹی پراجیکٹ کے تحت قالین بافی سمیت دیگر مٹنے والے فن کو زندہ رکھنے کی ضرورت ہے،پنجاب حکومت ڈائنگ آرٹ کو محفوظ کرنے کی خواہاں ہے،ملتان کے دستکاروں کی حوصلہ افزائی اور ان کے فن پاروں کو اجاگر کرنے کے لئے پراجیکٹ تیار کرنے کی ضرورت ہے۔اطالوی کارپوریشن کی مس کرسٹینا نے ڈپٹی کمشنر کی تجویز سے اتفاق کیا اور کہا کہ ملتان کے ہنرمندوں، فن اور تقافت کی ترویج کو والڈ سٹی پراجیکٹ کے تیسرے فیز میں شامل کیا جائے گا،تاریخی ورثے کے حوالے ملتان ایک منفرد مقام رکھتا ہے،یہاں کے مزارات اور تاریخی عمارتیں منفرد طرز تعمیر کی وجہ سے اپنے اندر حیرت انگیز کشش رکھتے ہیں،مس کرسٹینا نے کہا کہ تاریخی ورثے اور ثقافت کو فروغ دیکر ملتان کو سیاحت کے میدان میں مقام دلایا جا سکتا ہے۔
ڈپٹی کمشنر علی شہزاد نے مس کرسٹینا کو ملتان کی ثقافت پر مبنی تحائف بھی دئے۔بعد ازاں مس کرسٹینا نے دربار حضرت غوث بہالدین زکریا،حضرت شاہ رکن عالم،دربار حضرت شاہ گردیز اور دمدمہ کا دورہ بھی کیا۔
