امریکا نے ایک بار پھر افغانستان میں کارروائی کا عندیہ دے دیا

امریکا نےکہا ہےکہ اگر افغانستان میں دہشت گردی کے کیمپ نظر آئے تو امریکا فوری کارروائی کرے گا۔
امریکی محکمہ خارجہ کے ترجمان کاکہناہے کہ افغانستان کے پڑوسیوں پرفرض ہےکہ امن کے لیے دہشت گردوں کی مدد نہ کریں۔
امن کے لیے خطے میں پاکستان کا کردار اہم ہے، امن کے لیے بھارت کے ساتھ شراکت بھی انتہائی ضروری ہے، افغانستان کے تمام پڑوسی ممالک سےرابطے میں ہیں۔ افغانستان میں پُرتشدد واقعات افسوناک اور تشویشناک ہیں۔

افغان فوج اور طالبان میں حالیہ جھڑپوں پر بھی افسوس ہے، افغان حکومت سے تعاون جاری رہے گا اور افغانستان میں ترقیاتی پروجکیٹ بھی جاری رہیں گے۔